ye tere lams ka ehsas jawan-tar ho jae

ye tire lams kā ehsās javāñ-tar ho jaa.e

ye tire qurb meñ har saañs javāñ-tar ho jaa.e

chaah ik der se ik raah takā kartī hai

aao pahle ki vahāñ ghaas javāñ-tar ho jaa.e

haiñ ka.ī chehre guzarte hue rāh-e-dil se

dekhiye kaun sā almās javāñ-tar ho jaa.e

rasm-e-duniyā ke salāsil meñ giraftārī hai

mat Thaharnā ki kahīñ phāñs javāñ-tar ho jaa.e

bazm-e-ulfat kī giraftārī se kaise bach paa.eñ

kis ko ma.alūm ki kab aas javāñ-tar ho jaa.e

ham sañjo.e hue rakkhe haiñ tirī yādoñ ko

vaqt aa.e ki jo hai paas javāñ-tar ho jaa.e

us kī manzil kā patā kis ko milā hai ab tak

haañ vahī bedil-e-barlās javāñ-tar ho jaa.e

ye tere lams ka ehsas jawan-tar ho jae

ye tere qurb mein har sans jawan-tar ho jae

chah ek der se ek rah taka karti hai

aao pahle ki wahan ghas jawan-tar ho jae

hain kai chehre guzarte hue rah-e-dil se

dekhiye kaun sa almas jawan-tar ho jae

rasm-e-duniya ke salasil mein giraftari hai

mat Thaharna ki kahin phans jawan-tar ho jae

bazm-e-ulfat ki giraftari se kaise bach paen

kis ko malum ki kab aas jawan-tar ho jae

hum sanjoe hue rakkhe hain teri yaadon ko

waqt aae ki jo hai pas jawan-tar ho jae

us ki manzil ka pata kis ko mila hai ab tak

han wahi bedil-e-barlas jawan-tar ho jae