ye to baja ki hum rahen chashm-e-karam se dur dur

ye to bajā ki ham raheñ chashm-e-karam se duur duur

ḳhud bhī na rah sake magar aap jo ham se duur duur

dair-o-haram kī nafrateñ lauT chukīñ nashāt-e-zīst

rāhravān-e-rāh-e-nau dair-o-haram se duur duur

ahl-e-jahāñ se kyā hameñ sirf malāl is kā hai

aap bhī ham se bad-gumāñ aap bhī ham se duur duur

merā mazāq-e-bandagī toḌ chukā hai rivāyateñ

aaj jabīñ hai aap ke naqsh-e-qadam se duur duur

ek udaas tīrgī qismat-e-bām duur huī

jab se tumhārī yaad hai shām-e-alam se duur duur

mai-kada-e-jahāñ meñ hai ek hujūm-e-mai-kashāñ

jām-e-sifāl ke qarīb sāġhar-e-jam se duur duur

dil meñ ḳhayāl-e-manzil-e-dār-o-rasan liye hue

aaj koī guzar gayā kū-e-sanam se duur duur

'manzar'-e-sāda-dil jinheñ dost samajh rahe the tum

aaj vahī vafā-sarisht ho ga.e ham se duur duur

ye to baja ki hum rahen chashm-e-karam se dur dur

KHud bhi na rah sake magar aap jo hum se dur dur

dair-o-haram ki nafraten lauT chukin nashat-e-zist

rahrawan-e-rah-e-nau dair-o-haram se dur dur

ahl-e-jahan se kya hamein sirf malal is ka hai

aap bhi hum se bad-guman aap bhi hum se dur dur

mera mazaq-e-bandagi toD chuka hai riwayaten

aaj jabin hai aap ke naqsh-e-qadam se dur dur

ek udas tirgi qismat-e-baam dur hui

jab se tumhaari yaad hai sham-e-alam se dur dur

mai-kada-e-jahan mein hai ek hujum-e-mai-kashan

jam-e-sifal ke qarib saghar-e-jam se dur dur

dil mein KHayal-e-manzil-e-dar-o-rasan liye hue

aaj koi guzar gaya ku-e-sanam se dur dur

'manzar'-e-sada-dil jinhen dost samajh rahe the tum

aaj wahi wafa-sarisht ho gae hum se dur dur