ye to gila nahin hai ki dil ko sukun nahin

ye to gila nahīñ hai ki dil ko sukūñ nahīñ

lekin sukūñ to chāra-e-dard-e-darūñ nahīñ

āñkhoñ meñ be-qarār koī mauj-e-ḳhūñ nahīñ

shāyad abhī bahār pe zaḳhm-e-darūñ nahīñ

har saañs de rahā thā ba-zāhir payām-e-zīst

lekin mirā gumān yahī hai ki huuñ nahīñ

miltā hai dil ko terī galī meñ sukūn sā

kyā is zamīn par falak-e-nīlgūñ nahīñ

ai aql saath rah ki paḌegā tujhī se kaam

rāh-e-talab kī manzil-e-āḳhir junūñ nahīñ

ab tak rafū guloñ ke garebāñ na ho sake

is gulsitāñ meñ pursish-e-ahl-e-junūñ nahīñ

mujh ko 'nisār' zo.am-e-nazar ne kiyā ḳharāb

jalve to har qadam pe pukāre ki yuuñ nahīñ

ye to gila nahin hai ki dil ko sukun nahin

lekin sukun to chaara-e-dard-e-darun nahin

aankhon mein be-qarar koi mauj-e-KHun nahin

shayad abhi bahaar pe zaKHm-e-darun nahin

har sans de raha tha ba-zahir payam-e-zist

lekin mera guman yahi hai ki hun nahin

milta hai dil ko teri gali mein sukun sa

kya is zamin par falak-e-nilgun nahin

ai aql sath rah ki paDega tujhi se kaam

rah-e-talab ki manzil-e-aKHir junun nahin

ab tak rafu gulon ke gareban na ho sake

is gulsitan mein pursish-e-ahl-e-junun nahin

mujh ko 'nisar' zoam-e-nazar ne kiya KHarab

jalwe to har qadam pe pukare ki yun nahin