ye wasl ki wahshat hai ibaadat ki ghaDi hai

ye vasl kī vahshat hai ibādat kī ghaḌī hai

nārāz farishtoñ kī qasam TuuT rahī hai

ai sho.ala-e-pur-josh tavajjoh maiñ idhar huuñ

bad-mast idhar dekh jidhar aag lagī hai

sunte haiñ ḳhudā ruuTh gayā hai nahīñ suntā

hālāñki mire shahr kā har shaḳhs valī hai

ai yaar mayassar kā mazā le ke judā ho

is mausam-e-gul meñ tujhe jaane kī paḌī hai

ye aañkh jise bojh samajhtā hai miyāñ tū

ye bār-e-hazīmat ko uThāne kī nafī hai

mujh se mire sayyād ne vahshat se kahā jā

le aaj se tū merī mohabbat se barī hai

har chiiz badal dī hai magar kuchh nahīñ badlā

kahne ko chaman-zār kī har shāḳh na.ī hai

ye wasl ki wahshat hai ibaadat ki ghaDi hai

naraaz farishton ki qasam TuT rahi hai

ai shoala-e-pur-josh tawajjoh main idhar hun

bad-mast idhar dekh jidhar aag lagi hai

sunte hain KHuda ruTh gaya hai nahin sunta

haalanki mere shahr ka har shaKHs wali hai

ai yar mayassar ka maza le ke juda ho

is mausam-e-gul mein tujhe jaane ki paDi hai

ye aankh jise bojh samajhta hai miyan tu

ye bar-e-hazimat ko uThane ki nafi hai

mujh se mere sayyaad ne wahshat se kaha ja

le aaj se tu meri mohabbat se bari hai

har chiz badal di hai magar kuchh nahin badla

kahne ko chaman-zar ki har shaKH nai hai