ye zad-e-rah hamesha safar mein rakh lena

ye zād-e-rāh hamesha safar meñ rakh lenā

bichhḌe vaqt kā manzar nazar meñ rakh lenā

mile to raas bhī aa.e lakīr hāthoñ kī

ye ik kamāl bhī dast-e-hunar meñ rakh lenā

safar hai lauT ke aanā agar nasīb na ho

sajā ke yaad mirī chashm-e-tar meñ rakh lenā

hamārī zad meñ hai puurī tarah fasīl-e-shab

hamārā naam numūd-e-sahar meñ rakh lenā

kisī kī yaad kī ḳhushbū safar meñ saath chale

kisī ke hijr kā mausam nazar meñ rakh lenā

ye zad-e-rah hamesha safar mein rakh lena

bichhDe waqt ka manzar nazar mein rakh lena

mile to ras bhi aae lakir hathon ki

ye ek kamal bhi dast-e-hunar mein rakh lena

safar hai lauT ke aana agar nasib na ho

saja ke yaad meri chashm-e-tar mein rakh lena

hamari zad mein hai puri tarah fasil-e-shab

hamara nam numud-e-sahar mein rakh lena

kisi ki yaad ki KHushbu safar mein sath chale

kisi ke hijr ka mausam nazar mein rakh lena