ye zamin ye aasman ye kahkashan kuchh bhi nahin

ye zamīñ ye āsmāñ ye kahkashāñ kuchh bhī nahīñ

sab fanā kī qaid meñ haiñ jāvedāñ kuchh bhī nahīñ

hai mire hī dūr-uftāda kisī goshe meñ haiñ

vus.at-e-kaunain huuñ maiñ ye jahāñ kuchh bhī nahīñ

maiñ baḌī mushkil se samjhā huuñ qazā ke raaz ko

barq-e-raqsāñ ke muqābil āshiyāñ kuchh bhī nahīñ

zindagī taḳhrīb aur tā'mīr kā hī khel hai

'ilm vāloñ ko jahāñ kī gutthiyāñ kuchh bhī nahīñ

ai parindo in paroñ meñ zarf to paidā karo

hasrat-e-parvāz ko ye beḌiyāñ kuchh bhī nahīñ

zahr bhī gar hikmatan leñ to davā ban jā.egā

is jahāñ meñ dekhiye to rā.egāñ kuchh bhī nahīñ

yaar kī galiyoñ meñ ghuñghrū bāñdh kar bhī naach luuñ

'ishq meñ 'kāfir' mirī ḳhuddāriyāñ kuchh bhī nahīñ

ye zamin ye aasman ye kahkashan kuchh bhi nahin

sab fana ki qaid mein hain jawedan kuchh bhi nahin

hai mere hi dur-uftada kisi goshe mein hain

wusat-e-kaunain hun main ye jahan kuchh bhi nahin

main baDi mushkil se samjha hun qaza ke raaz ko

barq-e-raqsan ke muqabil aashiyan kuchh bhi nahin

zindagi taKHrib aur ta'mir ka hi khel hai

'ilm walon ko jahan ki gutthiyan kuchh bhi nahin

ai parindo in paron mein zarf to paida karo

hasrat-e-parwaz ko ye beDiyan kuchh bhi nahin

zahr bhi gar hikmatan len to dawa ban jaega

is jahan mein dekhiye to raegan kuchh bhi nahin

yar ki galiyon mein ghunghru bandh kar bhi nach lun

'ishq mein 'kafir' meri KHuddariyan kuchh bhi nahin