ye zard patton ki barish mera zawal nahin
ye zard pattoñ kī bārish mirā zavāl nahīñ
mire badan pe kisī dūsre kī shaal nahīñ
udaas ho ga.ī ek fāḳhta chahaktī huī
kisī ne qatl kiyā hai ye intiqāl nahīñ
tamām umr ġharībī meñ bā-vaqār rahe
hamāre ahd meñ aisī koī misāl nahīñ
vo lā-sharīk hai us kā koī sharīk kahāñ
vo be-misāl hai us kī koī misāl nahīñ
maiñ āsmān se TuuTā huā sitāra huuñ
kahāñ milī thī ye duniyā mujhe ḳhayāl nahīñ
vo shaḳhs jis ko dil o jaañ se baḌh ke chāhā thā
bichhaḌ gayā to ba-zāhir koī malāl nahīñ
ye zard patton ki barish mera zawal nahin
mere badan pe kisi dusre ki shaal nahin
udas ho gai ek faKHta chahakti hui
kisi ne qatl kiya hai ye intiqal nahin
tamam umr gharibi mein ba-waqar rahe
hamare ahd mein aisi koi misal nahin
wo la-sharik hai us ka koi sharik kahan
wo be-misal hai us ki koi misal nahin
main aasman se TuTa hua sitara hun
kahan mili thi ye duniya mujhe KHayal nahin
wo shaKHs jis ko dil o jaan se baDh ke chaha tha
bichhaD gaya to ba-zahir koi malal nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
