ye zist karne ki nikli sabil raaton-raat

ye ziist karne kī niklī sabīl rātoñ-rāt

maiñ ḳhud se hone lagā huuñ tavīl rātoñ-rāt

vo merī ruuh ko phir bhī na kar sakā āzād

jo Dhā ke niklā badan kī fasīl rātoñ-rāt

diyā hai jāgte tāroñ ne be-mahār sā karb

banā ga.e haiñ mujhe ḳhud-kafīl rātoñ-rāt

maiñ baar baar yahāñ zad pe chaḌhtā rahtā huuñ

chaḌhā.ī karte haiñ as.hāb-e-fīl rātoñ-rāt

saroñ ko tasht meñ le kar sahar hai aane kī

yahāñ se bhaag ai ibnus-sabīl rātoñ-rāt

maiñ apne aap ko jal-bās karne vaalā thā

mire makāñ meñ ugā rūd-e-nīl rātoñ-rāt

tuyūr nāchte the jin kī shāḳh shāḳh pe kal

barahna ho ga.e vo sab naḳhīl rātoñ-rāt

ye zist karne ki nikli sabil raaton-raat

main KHud se hone laga hun tawil raaton-raat

wo meri ruh ko phir bhi na kar saka aazad

jo Dha ke nikla badan ki fasil raaton-raat

diya hai jagte taron ne be-mahaar sa karb

bana gae hain mujhe KHud-kafil raaton-raat

main bar bar yahan zad pe chaDhta rahta hun

chaDhai karte hain ashab-e-fil raaton-raat

saron ko tasht mein le kar sahar hai aane ki

yahan se bhag ai ibnus-sabil raaton-raat

main apne aap ko jal-bas karne wala tha

mere makan mein uga rud-e-nil raaton-raat

tuyur nachte the jin ki shaKH shaKH pe kal

barahna ho gae wo sab naKHil raaton-raat