yun ayan tujhko dekhte hain hum

yuuñ ayaañ tujh ko dekhte haiñ ham

ki nihāñ tujh ko dekhte haiñ ham

nahīñ vā-dīd mā-sivā darkār

be-nishāñ tujh ko dekhte haiñ ham

ġhair kī vaañ nazar nahīñ jaatī

ab jahāñ tujh ko dekhte haiñ ham

dīdanī kuchh nahīñ zamāne meñ

jāvedāñ tujh ko dekhte haiñ

jaan dene pe kyuuñ na huuñ raazī

jāñ-sitāñ tujh ko dekhte haiñ ham

yuuñ kareñ ham ko pā.emāl 'adū

āsmāñ tujh ko dekhte haiñ ham

yuuñ vo gul-gasht ko chale aa.eñ

gulsitāñ tujh ko dekhte haiñ ham

aaj apnā kahā sunā ho mu'āf

nā-gahāñ tujh ko dekhte haiñ ham

aarzū go ki ek harf hai to

dāstāñ tujh ko dekhte haiñ ham

na kareñ ab kalīm se bhī kalām

ham-zabāñ tujh ko dekhte haiñ ham

ham aur aġhyār se gilā terā

bad-gumāñ tujh ko dekhte haiñ ham

aur karnā hai charḳh ko dushman

mehrbāñ tujh ko dekhte haiñ ham

us kā aanā yaqīñ hai kyā 'sālik'

nigarāñ tujh ko dekhte haiñ ham

yun ayan tujh ko dekhte hain hum

ki nihan tujh ko dekhte hain hum

nahin wa-did ma-siwa darkar

be-nishan tujh ko dekhte hain hum

ghair ki wan nazar nahin jati

ab jahan tujh ko dekhte hain hum

didani kuchh nahin zamane mein

jawedan tujh ko dekhte hain

jaan dene pe kyun na hun raazi

jaan-sitan tujh ko dekhte hain hum

yun karen hum ko paemal 'adu

aasman tujh ko dekhte hain hum

yun wo gul-gasht ko chale aaen

gulsitan tujh ko dekhte hain hum

aaj apna kaha suna ho mu'af

na-gahan tujh ko dekhte hain hum

aarzu go ki ek harf hai to

dastan tujh ko dekhte hain hum

na karen ab kalim se bhi kalam

ham-zaban tujh ko dekhte hain hum

hum aur aghyar se gila tera

bad-guman tujh ko dekhte hain hum

aur karna hai charKH ko dushman

mehrban tujh ko dekhte hain hum

us ka aana yaqin hai kya 'salik'

nigaran tujh ko dekhte hain hum