yun boli thi chiDiya Khaali kamre mein

yuuñ bolī thī chiḌiyā ḳhālī kamre meñ

jaise koī nahīñ thā ḳhālī kamre meñ

har pal merā rasta dekhā kartā hai

jaane kis kā saaya ḳhālī kamre meñ

khiḌkī ke raste se laayā kartā huuñ

maiñ bāhar kī duniyā ḳhālī kamre meñ

har mausam meñ aate jaate rahte haiñ

log havā aur dariyā ḳhālī kamre meñ

chehroñ ke jañgal se le kar aayā huuñ

surḳh gulāb kā paudā ḳhālī kamre meñ

bastī meñ har raat nikalne vaalā chāñd

umr huī na utrā ḳhālī kamre meñ

tez havā meñ saare kuuze TuuT ga.e

aur phailā ik sahrā ḳhālī kamre meñ

'sāhil' shahr se duur akelā rahtā hai

jaise maiñ huuñ rahtā ḳhālī kamre meñ

yun boli thi chiDiya KHali kamre mein

jaise koi nahin tha KHali kamre mein

har pal mera rasta dekha karta hai

jaane kis ka saya KHali kamre mein

khiDki ke raste se laya karta hun

main bahar ki duniya KHali kamre mein

har mausam mein aate jate rahte hain

log hawa aur dariya KHali kamre mein

chehron ke jangal se le kar aaya hun

surKH gulab ka pauda KHali kamre mein

basti mein har raat nikalne wala chand

umr hui na utra KHali kamre mein

tez hawa mein sare kuze TuT gae

aur phaila ek sahra KHali kamre mein

'sahil' shahr se dur akela rahta hai

jaise main hun rahta KHali kamre mein