yun chahaton mein koi ranj-e-ashnai na de
yun chahaton mein koi ranj-e-ashnai na de
Ahmad Musharraf Khawar
MORE BYAhmad Musharraf Khawar
yuuñ chāhatoñ meñ koī ranj-e-āshnā.ī na de
ki dil ho raakh magar aag bhī dikhā.ī na de
asīr-e-dām-e-mohabbat kahāñ se ho āzād
ki un kī zulf kī zanjīr jab rihā.ī na de
kahāñ se suntā sadā merī us hujūm meñ vo
pukāro ḳhud ko to āvāz bhī sunā.ī na de
hujūm-e-lafz se kyā chamke sīnā-e-qirtās
tirā ḳhayāl qalam ko jo raushnā.ī na de
ye kaisā ḳhauf musallat hai zehn-o-dil par ab
parinda ḳhud kahe sayyād se rihā.ī na de
vo jin nigāhoñ ko kal tīrgī kā shikva thā
hai aaj raushnī itnī ki kuchh dikhā.ī na de
atā ho dar se tire izz-o-jāh kī daulat
nigāh-e-ḳhalq meñ kar de baḌā baḌā.ī na de
yun chahaton mein koi ranj-e-ashnai na de
ki dil ho rakh magar aag bhi dikhai na de
asir-e-dam-e-mohabbat kahan se ho aazad
ki un ki zulf ki zanjir jab rihai na de
kahan se sunta sada meri us hujum mein wo
pukaro KHud ko to aawaz bhi sunai na de
hujum-e-lafz se kya chamke sina-e-qirtas
tera KHayal qalam ko jo raushnai na de
ye kaisa KHauf musallat hai zehn-o-dil par ab
parinda KHud kahe sayyaad se rihai na de
wo jin nigahon ko kal tirgi ka shikwa tha
hai aaj raushni itni ki kuchh dikhai na de
ata ho dar se tere izz-o-jah ki daulat
nigah-e-KHalq mein kar de baDa baDai na de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
