yun hath nahin aata wo gauhar-e-yak-dana

yuuñ haath nahīñ aatā vo gauhar-e-yak-dāna

yak-rañgī o āzādī ai himmat-e-mardāna

yā sanjar o tuġhral kā ā.īn-e-jahāñgīrī

yā mard-e-qalandar ke andāz-e-mulūkāna

yā hairat-e-'fārābī' yā tāb-o-tab-e-'rūmī'

yā fikr-e-hakīmāna yā jazb-e-kalīmāna

yā aql kī rūbāhī yā ishq-e-yadul-lāhī

yā hīla-e-afrañgī yā hamla-e-turkāna

yā shar-e-musalmānī yā dair kī darbānī

yā nāra-e-mastāna kaaba ho ki but-ḳhāna

miirī meñ faqīrī meñ shāhī meñ ġhulāmī meñ

kuchh kaam nahīñ bantā be-jur.at-e-rindāna

yun hath nahin aata wo gauhar-e-yak-dana

yak-rangi o aazadi ai himmat-e-mardana

ya sanjar o tughral ka aain-e-jahangiri

ya mard-e-qalandar ke andaz-e-mulukana

ya hairat-e-'farabi' ya tab-o-tab-e-'rumi'

ya fikr-e-hakimana ya jazb-e-kalimana

ya aql ki rubahi ya ishq-e-yadul-lahi

ya hila-e-afrangi ya hamla-e-turkana

ya shar-e-musalmani ya dair ki darbani

ya nara-e-mastana kaba ho ki but-KHana

meri mein faqiri mein shahi mein ghulami mein

kuchh kaam nahin banta be-jurat-e-rindana