yun meri taba se hote hain maani paida

yuuñ mirī tab.a se hote haiñ ma.ānī paidā

jaise sāvan kī ghaTāoñ se ho paanī paidā

kyā ġhazab hai nigah-e-mast-e-mis-e-bāda-farosh

shaiḳh faanī meñ huā rañg-e-javānī paidā

ye javānī hai ki paatā hai junūñ jis se zuhūr

ye na samjho ki junūñ se hai javānī paidā

be-ḳhudī meñ to ye jhagḌe nahīñ rahte ai hosh

tū ne kar rakkhā hai ik ālam-e-fānī paidā

koī mauqa nikal aa.e ki bas āñkheñ mil jaa.eñ

rāheñ phir aap hī kar legī javānī paidā

har ta.alluq mirā sarmāya hai ik novel kā

merī har raat se hai ek kahānī paidā

jañg hai jurm mohabbat hai ḳhilāf-e-tahzīb

ho chukā valvala-e-ahd-e-javānī paidā

kho ga.ī hind kī firdaus-nishānī 'akbar'

kaash ho jaa.e koī 'milton'-e-sānī paidā

yun meri taba se hote hain maani paida

jaise sawan ki ghaTaon se ho pani paida

kya ghazab hai nigah-e-mast-e-mis-e-baada-farosh

shaiKH fani mein hua rang-e-jawani paida

ye jawani hai ki pata hai junun jis se zuhur

ye na samjho ki junun se hai jawani paida

be-KHudi mein to ye jhagDe nahin rahte ai hosh

tu ne kar rakkha hai ek aalam-e-fani paida

koi mauqa nikal aae ki bas aankhen mil jaen

rahen phir aap hi kar legi jawani paida

har talluq mera sarmaya hai ek nowel ka

meri har raat se hai ek kahani paida

jang hai jurm mohabbat hai KHilaf-e-tahzib

ho chuka walwala-e-ahd-e-jawani paida

kho gai hind ki firdaus-nishani 'akbar'

kash ho jae koi 'milton'-e-sani paida