yun mubtala kisi pe koi ai KHuda na ho

yuuñ mubtalā kisī pe koī ai ḳhudā na ho

dil de diyā ho aur umīd-e-vafā na ho

tum be-niyāz ho to hai qahr us ġharīb par

jis kā ba-juz tumhāre koī aasrā na ho

mahv-e-ḳhirām aap haiñ bechain ahl-e-qabr

mujh ko ye ḳhauf hai ki qayāmat bapā na ho

sadme uThā.e haiñ to duā hai ye 'nāsirī'

in zālimoñ pe koī bashar mubtalā na ho

yun mubtala kisi pe koi ai KHuda na ho

dil de diya ho aur umid-e-wafa na ho

tum be-niyaz ho to hai qahr us gharib par

jis ka ba-juz tumhaare koi aasra na ho

mahw-e-KHiram aap hain bechain ahl-e-qabr

mujh ko ye KHauf hai ki qayamat bapa na ho

sadme uThae hain to dua hai ye 'nasiri'

in zalimon pe koi bashar mubtala na ho