yun naqab-e-ruKH-e-zeba bhi uTha di kis ne

yuuñ naqāb-e-ruḳh-e-zebā bhī uThā dī kis ne

ḳhirman-e-dil pe ye bijlī sī girā dī kis ne

dāstāñ bhūlī huī yaad palaT aa.ī hai

ahd-e-rafta kī ye tasvīr dikhā dī kis ne

kis ne tanhā.ī kī ik umr gavārā kar lī

zindagī tere tasavvur meñ miTā dī kis ne

zinda rahne kī havas phir se palaT aa.ī hai

mujh ko yaaro ye sar-e-dār sadā dī kis ne

ye kaḌī dhuup kaḌe kos ye sahrā-e-basīt

ābla-pā.ī kī 'anjum' ko sazā dī kis ne

yun naqab-e-ruKH-e-zeba bhi uTha di kis ne

KHirman-e-dil pe ye bijli si gira di kis ne

dastan bhuli hui yaad palaT aai hai

ahd-e-rafta ki ye taswir dikha di kis ne

kis ne tanhai ki ek umr gawara kar li

zindagi tere tasawwur mein miTa di kis ne

zinda rahne ki hawas phir se palaT aai hai

mujh ko yaro ye sar-e-dar sada di kis ne

ye kaDi dhup kaDe kos ye sahra-e-basit

aabla-pai ki 'anjum' ko saza di kis ne