yun pareshan kabhi hum bhi to na the

yuuñ pareshāñ kabhī ham bhī to na the

aise is zulf meñ ḳham bhī to na the

sair-e-gulshan ko ga.e the jab aap

yaad to kījiye ham bhī to na the

ham se be-jurm vo kūcha chhūTā

shā.eq-e-bāġh-e-iram bhī to na the

rahm kartā na falak kyā kartā

ham sazā-vār-e-sitam bhī to na the

rahte ka.abe meñ akele kyā ham

dil lagāne ko sanam bhī to na the

haath kyuuñ sar pe hamāre rakkhā

tum se ḳhvāhān-e-qasam bhī to na the

yun pareshan kabhi hum bhi to na the

aise is zulf mein KHam bhi to na the

sair-e-gulshan ko gae the jab aap

yaad to kijiye hum bhi to na the

hum se be-jurm wo kucha chhuTa

shaeq-e-bagh-e-iram bhi to na the

rahm karta na falak kya karta

hum saza-war-e-sitam bhi to na the

rahte kabe mein akele kya hum

dil lagane ko sanam bhi to na the

hath kyun sar pe hamare rakkha

tum se KHwahan-e-qasam bhi to na the