yun tera jadu hua

yuuñ tirā jaadū huā

jo milā vo tū huā

ham bhī kyā yaksū hue

'ishq tū yaksū huā

is liye phailā huuñ maiñ

tū mirī ḳhushbū huā

phir tavāf-e-husn meñ

maiñ bhī qibla-rū huā

shā'irī kyūñkar na ho

tū mirī urdu huā

pahle dil meñ 'ishq thā

aur phir har-sū huā

is se kyā paḌtā hai farq

maiñ huā yā tū huā

ham to saada log the

yaar hīla-jū huā

‘tābish’-e-ḳhasta ke baa'd

sirf 'anjum' tū huā

yun tera jadu hua

jo mila wo tu hua

hum bhi kya yaksu hue

'ishq tu yaksu hua

is liye phaila hun main

tu meri KHushbu hua

phir tawaf-e-husn mein

main bhi qibla-ru hua

sha'iri kyunkar na ho

tu meri urdu hua

pahle dil mein 'ishq tha

aur phir har-su hua

is se kya paDta hai farq

main hua ya tu hua

hum to sada log the

yar hila-ju hua

‘tabish’-e-KHasta ke ba'd

sirf 'anjum' tu hua