yunhi aati nahin hawa mujh mein
yūñhī aatī nahīñ havā mujh meñ
abhī raushan hai ik diyā mujh meñ
vo mujhe dekh kar ḳhamosh rahā
aur ik shor mach gayā mujh meñ
donoñ aadam ke muntaqim beTe
aur huā un kā sāmnā mujh meñ
maiñ madīne ko lauT aayā huuñ
ya.anī jaarī hai karbalā mujh meñ
raushnī aane vaale ḳhvāb kī hai
din to kab kā guzar chukā mujh meñ
is añdhere meñ jab koī bhī na thā
mujh se gum ho gayā ḳhudā mujh meñ
yunhi aati nahin hawa mujh mein
abhi raushan hai ek diya mujh mein
wo mujhe dekh kar KHamosh raha
aur ek shor mach gaya mujh mein
donon aadam ke muntaqim beTe
aur hua un ka samna mujh mein
main madine ko lauT aaya hun
yani jari hai karbala mujh mein
raushni aane wale KHwab ki hai
din to kab ka guzar chuka mujh mein
is andhere mein jab koi bhi na tha
mujh se gum ho gaya KHuda mujh mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
