yunhi raha jo buton par nisar dil mera

yūñhī rahā jo butoñ par nisār dil merā

karegā mujh ko zamāne meñ ḳhvār dil merā

chalī chalī mizha-e-ashk-bār aañkh mirī

jalā jalā nafas-e-sho.ala-bār dil merā

ajiib mūnis o hamdard o zī-muravvat thā

ġharīq-e-rahmat-e-parvardigār dil merā

vafūr-e-sharm se vaañ ijtināb madd-e-nazar

hujūm-e-shauq se yaañ be-qarār dil merā

banā diyā use ḳhud-bīn o ḳhud-numā 'beḳhud'

huā hai ā.īna-e-husn-e-yār dil merā

yunhi raha jo buton par nisar dil mera

karega mujh ko zamane mein KHwar dil mera

chali chali mizha-e-ashk-bar aankh meri

jala jala nafas-e-shoala-bar dil mera

ajib munis o hamdard o zi-murawwat tha

ghariq-e-rahmat-e-parwardigar dil mera

wafur-e-sharm se wan ijtinab madd-e-nazar

hujum-e-shauq se yan be-qarar dil mera

bana diya use KHud-bin o KHud-numa 'beKHud'

hua hai aaina-e-husn-e-yar dil mera