zabte aur hi misdaq pe rakkhe hue hain

zābte aur hī misdāq pe rakkhe hue haiñ

āj-kal sidq-o-safā taaq pe rakkhe hue haiñ

vo jo ḳhud mārka-e-ishq meñ utre bhī nahīñ

shikva paspā.ī kā ushshāq pe rakkhe hue haiñ

bāñdh rakkhā hai mohabbat ne azal se ham ko

so tavajjoh isī mīsāq pe rakkhe hue haiñ

daḳhl āñkhoñ kā ulajhne meñ bahut hai lekin

tohmateñ sab dil-e-mushtāq pe rakkhe hue haiñ

jaane kab silsila-e-ḳhair-o-ḳhabar kā ho zuhūr

dhyān ham anfus o āfāq pe rakkhe hue haiñ

dekhiye kaun sā mafhūm liyā jā.egā

baat kar ke nazar itlāq pe rakkhe hue haiñ

tābish-e-shauq se alfāz haiñ raushan 'gulzār'

yā sitāre kaf-e-aurāq pe rakkhe hue haiñ

zabte aur hi misdaq pe rakkhe hue hain

aaj-kal sidq-o-safa taq pe rakkhe hue hain

wo jo KHud marka-e-ishq mein utre bhi nahin

shikwa paspai ka ushshaq pe rakkhe hue hain

bandh rakkha hai mohabbat ne azal se hum ko

so tawajjoh isi misaq pe rakkhe hue hain

daKHl aankhon ka ulajhne mein bahut hai lekin

tohmaten sab dil-e-mushtaq pe rakkhe hue hain

jaane kab silsila-e-KHair-o-KHabar ka ho zuhur

dhyan hum anfus o aafaq pe rakkhe hue hain

dekhiye kaun sa mafhum liya jaega

baat kar ke nazar itlaq pe rakkhe hue hain

tabish-e-shauq se alfaz hain raushan 'gulzar'

ya sitare kaf-e-auraq pe rakkhe hue hain