zahid nahin masjid se kam hurmat-e-mai-KHana
zāhid nahīñ masjid se kam hurmat-e-mai-ḳhāna
mastoñ kī jamā.at meñ mehrāb hai paimāna
kyuuñ zulf tirī uljhī rahtī hai ai jānāna
hāzir hai dil-e-sad-chāk darkār ho gar shāna
dekhe jo tirī sūrat ho jaa.e hai dīvāna
hai aks se tujh ruḳh ke ā.īna parī-ḳhāna
is dil kā mire jalnā rakhtā hai vo kaifiyyat
dekhegā jo parvāna ho jā.egā mastāna
ik naqd-e-nigah par 'ishq' biktā hai to kar saudā
de bahr-e-ḳharīdārī dīdār kā bai.āna
zahid nahin masjid se kam hurmat-e-mai-KHana
maston ki jamaat mein mehrab hai paimana
kyun zulf teri uljhi rahti hai ai jaanana
hazir hai dil-e-sad-chaak darkar ho gar shana
dekhe jo teri surat ho jae hai diwana
hai aks se tujh ruKH ke aaina pari-KHana
is dil ka mere jalna rakhta hai wo kaifiyyat
dekhega jo parwana ho jaega mastana
ek naqd-e-nigah par 'ishq' bikta hai to kar sauda
de bahr-e-KHaridari didar ka baiana
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
