zat mein maujud maujon ki rawani se uTha

zaat meñ maujūd maujoñ kī ravānī se uThā

zindagī kā lutf tarz-e-zindagānī se uThā

yā mire logoñ ko de yā-rab samā.at kā shu.ūr

yā mirī āvāz gosh-e-lā-ma.ānī se uThā

ā.īne ko aks kī zanjīr se āzād kar

chehragī ko ḳhāl-o-ḳhad kī tarjumānī se uThā

ik na.ī hī shakl paidā kar shikast-o-reḳht se

ik nayā mafhūm apnī rā.igānī se uThā

ek baazū se uThā tū mash.al-e-manzil 'samīr'

aur safar kā bojh apne dast-e-sānī se uThā

zat mein maujud maujon ki rawani se uTha

zindagi ka lutf tarz-e-zindagani se uTha

ya mere logon ko de ya-rab samaat ka shuur

ya meri aawaz gosh-e-la-maani se uTha

aaine ko aks ki zanjir se aazad kar

chehragi ko KHal-o-KHad ki tarjumani se uTha

ek nai hi shakl paida kar shikast-o-reKHt se

ek naya mafhum apni raigani se uTha

ek bazu se uTha tu mashal-e-manzil 'samir'

aur safar ka bojh apne dast-e-sani se uTha