zaban hai magar be-zabanon mein hai
zabāñ hai magar be-zabānoñ meñ hai
nasīhat koī us ke kānoñ meñ hai
chalo sāhiloñ kī taraf ruḳh kareñ
abhī to havā bādbānoñ meñ hai
zamīñ par ho apnī hifāzat karo
ḳhudā to miyāñ āsmānoñ meñ hai
na jaane ye ehsās kyuuñ hai mujhe
vo ab tak mire pāsbānoñ meñ hai
sajā to liye ham ne dīvār-o-dar
udāsī abhī tak makānoñ meñ hai
havā ruḳh badaltī rahe bhī to kyā
parinda to apnī uḌānoñ meñ hai
zaban hai magar be-zabanon mein hai
nasihat koi us ke kanon mein hai
chalo sahilon ki taraf ruKH karen
abhi to hawa baadbanon mein hai
zamin par ho apni hifazat karo
KHuda to miyan aasmanon mein hai
na jaane ye ehsas kyun hai mujhe
wo ab tak mere pasbanon mein hai
saja to liye hum ne diwar-o-dar
udasi abhi tak makanon mein hai
hawa ruKH badalti rahe bhi to kya
parinda to apni uDanon mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
