zaban muddaa-ashna chahta hun

zabāñ mudda.ā-āshnā chāhtā huuñ

dil ab zindagī se ḳhafā chāhtā huuñ

adā ko adā-āshnā chāhtā huuñ

tujhī par tujhe mubtilā chāhtā huuñ

vafā chāhte haiñ vafā chāhtā huuñ

vo kyā chāhte haiñ maiñ kyā chāhtā huuñ

mohabbat ko rusvā kiyā chāhtā huuñ

nazar mahram-e-iltijā chāhtā huuñ

ta.ayyun ġham-e-ishq kā chāhtā huuñ

unheñ chāhtā huuñ ye kyā chāhtā huuñ

tire dil ko dard-āshnā chāhtā huuñ

bhalā chāhtā huuñ burā chāhtā huuñ

bahut tañg hai vahm-e-hastī kī duniyā

maiñ aalam hī ab dūsrā chāhtā huuñ

shab-e-hijr terā tasavvur hī to hai

tujhe aaj tujh se judā chāhtā huuñ

mirī maut mātam kā husn-e-talab hai

sukūñ ek hañgāma-zā chāhtā huuñ

ḳhatā DhūñDtā huuñ atāoñ ke qābil

atā chāhte haiñ ḳhatā chāhtā huuñ

phir us bazm ko DhūñDtī haiñ nigāheñ

phir ik shikva-e-barmalā chāhtā huuñ

vo fariyād kā ahd phir yaad aayā

phir ik nāla-e-nā-rasā chāhtā huuñ

phir ādāb-e-furqat haiñ malhūz yaanī

hujūm-e-balā-dar-balā chāhtā huuñ

phir ik sajda-e-tauba kī aarzū hai

tujhe aap se phir ḳhafā chāhtā huuñ

phir ummīd-vār-e-karam huuñ ki 'fānī'

sitam-hā-e-shauq-āzmā chāhtā huuñ

koī vaj.h-e-taskīñ nahīñ ġham na rāhat

ḳhudā jaane 'fānī' maiñ kyā chāhtā huuñ

zaban muddaa-ashna chahta hun

dil ab zindagi se KHafa chahta hun

ada ko ada-ashna chahta hun

tujhi par tujhe mubtila chahta hun

wafa chahte hain wafa chahta hun

wo kya chahte hain main kya chahta hun

mohabbat ko ruswa kiya chahta hun

nazar mahram-e-iltija chahta hun

tayyun gham-e-ishq ka chahta hun

unhen chahta hun ye kya chahta hun

tere dil ko dard-ashna chahta hun

bhala chahta hun bura chahta hun

bahut tang hai wahm-e-hasti ki duniya

main aalam hi ab dusra chahta hun

shab-e-hijr tera tasawwur hi to hai

tujhe aaj tujh se juda chahta hun

meri maut matam ka husn-e-talab hai

sukun ek hangama-za chahta hun

KHata DhunDta hun ataon ke qabil

ata chahte hain KHata chahta hun

phir us bazm ko DhunDti hain nigahen

phir ek shikwa-e-barmala chahta hun

wo fariyaad ka ahd phir yaad aaya

phir ek nala-e-na-rasa chahta hun

phir aadab-e-furqat hain malhuz yani

hujum-e-bala-dar-bala chahta hun

phir ek sajda-e-tauba ki aarzu hai

tujhe aap se phir KHafa chahta hun

phir ummid-war-e-karam hun ki 'fani'

sitam-ha-e-shauq-azma chahta hun

koi wajh-e-taskin nahin gham na rahat

KHuda jaane 'fani' main kya chahta hun