zabt-e-gham se siwa malal hua

zabt-e-ġham se sivā malāl huā

ashk aa.e to jī bahāl huā

phir se bujhne lagī hai bīnā.ī

phir tirī diid kā savāl huā

ik zarā chāñd ke ubharne se

dekh sūraj kā rang laal huā

kitne logoñ se milnā-julnā thā

ḳhud se milnā bhī ab muhāl huā

ham ne maazī kā har varaq palTā

ham ko har baat par malāl huā

ham to Tuk dekhte rahe us ko

rā.egāñ lamha-e-visāl huā

dard ash.ār meñ utar aayā

log kahne lage kamāl huā

zabt-e-gham se siwa malal hua

ashk aae to ji bahaal hua

phir se bujhne lagi hai binai

phir teri did ka sawal hua

ek zara chand ke ubharne se

dekh suraj ka rang lal hua

kitne logon se milna-julna tha

KHud se milna bhi ab muhaal hua

hum ne mazi ka har waraq palTa

hum ko har baat par malal hua

hum to Tuk dekhte rahe us ko

raegan lamha-e-visal hua

dard ashaar mein utar aaya

log kahne lage kamal hua