zabt kar ke hansi ko bhul gaya

Jaun Eliya

zabt kar ke hansi ko bhul gaya

Jaun Eliya

MORE BY Jaun Eliya

    zabt kar ke hañsī ko bhuul gayā

    maiñ to us zaḳhm ko bhuul gayā

    zāt-dar-zāt ham-safar rah kar

    ajnabī ajnabī ko bhuul gayā

    sub.h tak vaj.h-e-jāñ-kanī thī jo baat

    maiñ use shaam ko bhuul gayā

    ahd-e-vābastagī guzār ke maiñ

    vaj.h-e-vābastagī ko bhuul gayā

    sab dalīleñ to mujh ko yaad rahīñ

    bahs kyā thī usī ko bhuul gayā

    kyuuñ na ho naaz is zehānat par

    ek maiñ har kisī ko bhuul gayā

    sab se pur-amn vāqi.a ye hai

    aadmī aadmī ko bhuul gayā

    qahqaha mārte dīvāna

    har ġham-e-zindagī ko bhuul gayā

    ḳhvāb-hā-ḳhvāb jis ko chāhā thā

    rañg-hā-rañg usī ko bhuul gayā

    kyā qayāmat huī agar ik shaḳhs

    apnī ḳhush-qismatī ko bhuul gayā

    soch kar us ḳhalvat-anjumanī

    vaañ maiñ apnī kamī ko bhuul gayā

    sab bure mujh ko yaad rahte haiñ

    jo bhalā thā usī ko bhuul gayā

    un se va.ada to kar liyā lekin

    apnī kam-fursatī ko bhuul gayā

    bastiyo ab to rāsta de do

    ab to maiñ us galī ko bhuul gayā

    us ne goyā mujhī ko yaad rakhā

    maiñ bhī goyā usī ko bhuul gayā

    ya.anī tum vo ho vāqa.ī? had hai

    maiñ to sach-much sabhī ko bhuul gayā

    āḳhirī but ḳhudā na kyuuñ Thahre

    but-shikan but-garī ko bhuul gayā

    ab to har baat yaad rahtī hai

    ġhāliban maiñ kisī ko bhuul gayā

    us ḳhushiyoñ se jalne vaalā 'jaun'

    apnī īzā-dahī ko bhuul gayā

    zabt kar ke hansi ko bhul gaya

    main to us zaKHm hi ko bhul gaya

    zat-dar-zat ham-safar rah kar

    ajnabi ajnabi ko bhul gaya

    subh tak wajh-e-jaan-kani thi jo baat

    main use sham hi ko bhul gaya

    ahd-e-wabastagi guzar ke main

    wajh-e-wabastagi ko bhul gaya

    sab dalilen to mujh ko yaad rahin

    bahs kya thi usi ko bhul gaya

    kyun na ho naz is zehanat par

    ek main har kisi ko bhul gaya

    sab se pur-amn waqia ye hai

    aadmi aadmi ko bhul gaya

    qahqaha marte hi diwana

    har gham-e-zindagi ko bhul gaya

    KHwab-ha-KHwab jis ko chaha tha

    rang-ha-rang usi ko bhul gaya

    kya qayamat hui agar ek shaKHs

    apni KHush-qismati ko bhul gaya

    soch kar us ki KHalwat-anjumani

    wan main apni kami ko bhul gaya

    sab bure mujh ko yaad rahte hain

    jo bhala tha usi ko bhul gaya

    un se wada to kar liya lekin

    apni kam-fursati ko bhul gaya

    bastiyo ab to rasta de do

    ab to main us gali ko bhul gaya

    us ne goya mujhi ko yaad rakha

    main bhi goya usi ko bhul gaya

    yani tum wo ho waqai? had hai

    main to sach-much sabhi ko bhul gaya

    aaKHiri but KHuda na kyun Thahre

    but-shikan but-gari ko bhul gaya

    ab to har baat yaad rahti hai

    ghaaliban main kisi ko bhul gaya

    us ki KHushiyon se jalne wala 'jaun'

    apni iza-dahi ko bhul gaya

    Videos
    This video is playing from YouTube

    Videos
    This video is playing from YouTube

    Unknown

    Unknown

    Source:

    • Book: lekin, (Pg. 101)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites