zahr-e-shab viran bistar ai KHuda
zahr-e-shab vīrān bistar ai ḳhudā
karb ik manzar-ba-manzar ai ḳhudā
maiñ tire shāhīñ kā 'shahpar' ai ḳhudā
kaun hai mere barābar ai ḳhudā
kaash tū bhī mujh meñ aa kar dekhtā
Dūbte sūraj kā manzar ai ḳhudā
dostī aur dushmanī ke naam se
qaid huuñ kis kis ke andar ai ḳhudā
zer kuchh baune mujhe kaise kareñ
in haqīroñ kī madad kar ai ḳhudā
biich meñ māsūm sā ik aadmī
har taraf sāñpoñ ke lashkar ai ḳhudā
zahr-e-shab viran bistar ai KHuda
karb ek manzar-ba-manzar ai KHuda
main tere shahin ka 'shahpar' ai KHuda
kaun hai mere barabar ai KHuda
kash tu bhi mujh mein aa kar dekhta
Dubte suraj ka manzar ai KHuda
dosti aur dushmani ke nam se
qaid hun kis kis ke andar ai KHuda
zer kuchh baune mujhe kaise karen
in haqiron ki madad kar ai KHuda
bich mein masum sa ek aadmi
har taraf sanpon ke lashkar ai KHuda
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
