zahr mein bujhe sare tir hain kamanon par

zahr meñ bujhe saare tiir haiñ kamānoñ par

maut aan baiThī hai jā-ba-jā machānoñ par

ham burā.ī karte haiñ Dūbte hue din kī

tohmateñ lagāte haiñ jā chuke zamānoñ par

is hasīn manzar se dukh ka.ī ubharne haiñ

dhuup jab utarnī hai barf ke makānoñ par

shauq ḳhud-numā.ī kā intihā ko pahuñchā hai

shohratoñ kī ḳhātir ham saj ga.e dukānoñ par

kis tarah harī hoñgī e'timād kī beleñ

jab munāfiqat sab ne oḌh lī zabānoñ par

zahr mein bujhe sare tir hain kamanon par

maut aan baiThi hai ja-ba-ja machanon par

hum burai karte hain Dubte hue din ki

tohmaten lagate hain ja chuke zamanon par

is hasin manzar se dukh kai ubharne hain

dhup jab utarni hai barf ke makanon par

shauq KHud-numai ka intiha ko pahuncha hai

shohraton ki KHatir hum saj gae dukanon par

kis tarah hari hongi e'timad ki belen

jab munafiqat sab ne oDh li zabanon par