zaKHm ke phul se taskin talab karti hai
zaḳhm ke phuul se taskīn talab kartī hai
ba.az auqāt mirī ruuh ġhazab kartī hai
jo tirī zulf se utre hoñ mire āñgan meñ
chāñdnī aise añdheroñ kā adab kartī hai
apne insāf kī zanjīr na dekho ki yahāñ
muflisī zehn kī fariyād bhī kab kartī hai
sehn-e-gulshan meñ havāoñ kī sadā ġhaur se sun
har kalī mātam-e-sad-jashn-e-tarab kartī hai
sirf din Dhalne pe mauqūf nahīñ hai 'mohsin'
zindagī zulf ke saa.e meñ bhī shab kartī hai
zaKHm ke phul se taskin talab karti hai
baz auqat meri ruh ghazab karti hai
jo teri zulf se utre hon mere aangan mein
chandni aise andheron ka adab karti hai
apne insaf ki zanjir na dekho ki yahan
muflisi zehn ki fariyaad bhi kab karti hai
sehn-e-gulshan mein hawaon ki sada ghaur se sun
har kali matam-e-sad-jashn-e-tarab karti hai
sirf din Dhalne pe mauquf nahin hai 'mohsin'
zindagi zulf ke sae mein bhi shab karti hai
- Book : Kulliyat-e-mohsin (Pg. 151)
- Author : Mohsin Naqvi
- Publication : Mavra Publishers (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
