zaKHm tumne jo diye uski dawa kaun kare

zaḳhm tum ne jo diye us kī davā kaun kare

raas tanhā.ī ke aane kī duā kaun kare

apnī ġhalatī kā na ehsās kabhī ho jis ko

aise nādān se takrār bhalā kaun kare

haiñ jo gumrāh raqīboñ kī kisī sāzish meñ

un kī dil-soz tabāhī kā patā kaun kare

ḳhuun ke saath tijārat jo kare gurdoñ kī

ab yaqīñ aise masīhā kā bhalā kaun kare

ghar basāte hī jo māñ-bāp ko kahte haiñ ġhalat

aisī aulād se ummīd-e-vafā kaun kare

qatl-o-ḳhūñ jhuuT daġhā aam ho jis bastī meñ

baat haq kī vahāñ kahne kī ḳhatā kaun kare

vaqt ab dekh ke 'ayyūb' baġhāvat kar lo

zulm zālim kā shab-o-roz sahā kaun kare

zaKHm tum ne jo diye us ki dawa kaun kare

ras tanhai ke aane ki dua kaun kare

apni ghalati ka na ehsas kabhi ho jis ko

aise nadan se takrar bhala kaun kare

hain jo gumrah raqibon ki kisi sazish mein

un ki dil-soz tabahi ka pata kaun kare

KHun ke sath tijarat jo kare gurdon ki

ab yaqin aise masiha ka bhala kaun kare

ghar basate hi jo man-bap ko kahte hain ghalat

aisi aulad se ummid-e-wafa kaun kare

qatl-o-KHun jhuT dagha aam ho jis basti mein

baat haq ki wahan kahne ki KHata kaun kare

waqt ab dekh ke 'ayyub' baghawat kar lo

zulm zalim ka shab-o-roz saha kaun kare