zamana DhunD raha tha kidhar gaya pani

Laiq Aajiz

zamana DhunD raha tha kidhar gaya pani

Laiq Aajiz

MORE BY Laiq Aajiz

    zamāna DhūñD rahā thā kidhar gayā paanī

    kisī hukm huā to Thahar gayā paanī

    vo dhuup thī ki zamīñ jal ke raakh ho jaatī

    baras ke ab ke baḌā kaam kar gayā paanī

    baḌā ġhurūr thā apnī chamak-damak pe use

    sunār ne jo tapāyā utar gayā paanī

    ḳhudā ḳhauf nahīñ ab tumhāre zehnoñ meñ

    tavahhumāt is tarah bhar gayā paanī

    shikast-ḳhurda ye qaumeñ tumheñ miTā deñgī

    agar tumhārī hamiyyat mar gayā paanī

    taras na aayā ġharīboñ ke haal par 'ājiz'

    sisakte paudoñ ke sar se guzar gayā paanī

    zamana DhunD raha tha kidhar gaya pani

    kisi ka hukm hua to Thahar gaya pani

    wo dhup thi ki zamin jal ke rakh ho jati

    baras ke ab ke baDa kaam kar gaya pani

    baDa ghurur tha apni chamak-damak pe use

    sunar ne jo tapaya utar gaya pani

    KHuda ka KHauf nahin ab tumhaare zehnon mein

    tawahhumat ka is tarah bhar gaya pani

    shikast-KHurda ye qaumen tumhein miTa dengi

    agar tumhaari hamiyyat ka mar gaya pani

    taras na aaya gharibon ke haal par 'ajiz'

    sisakte paudon ke sar se guzar gaya pani

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY