zamana meri tabahi pe jo udas hua

zamāna merī tabāhī pe jo udaas huā

maiñ apne aap se ai dost rū-shanās huā

mire ḳhulūs ke phūloñ se jo uḌī ḳhushbū

tumhāre tanz kā mausam bhī bad-havās huā

jamāl-e-sehn-e-gulistāñ hamīñ se qaa.em hai

hamāre ḳhuun se har phuul ḳhush-libās huā

akelā peḌ hī mausam kā vaar sahtā rahā

shikasta-barg bhī koī na ās-pās huā

kabhī jo TuuTā sitāra kisī ko aayā nazar

to bazm-e-ġhair meñ merā hī zikr-e-ḳhās huā

safīr-e-sub.h-e-daraḳhshāñ chalā jo mashriq se

dayār-e-shab kā shahanshāh bad-havās huā

zamana meri tabahi pe jo udas hua

main apne aap se ai dost ru-shanas hua

mere KHulus ke phulon se jo uDi KHushbu

tumhaare tanz ka mausam bhi bad-hawas hua

jamal-e-sehn-e-gulistan hamin se qaem hai

hamare KHun se har phul KHush-libas hua

akela peD hi mausam ka war sahta raha

shikasta-barg bhi koi na aas-pas hua

kabhi jo TuTa sitara kisi ko aaya nazar

to bazm-e-ghair mein mera hi zikr-e-KHas hua

safir-e-subh-e-daraKHshan chala jo mashriq se

dayar-e-shab ka shahanshah bad-hawas hua