zamana saKHt kam-azar hai ba-jaan-e-asad

zamāna saḳht kam-āzār hai ba-jān-e-asad

vagarna ham to tavaqqo ziyāda rakhte haiñ

tan-e-ba-band-e-havas dar nadāda rakhte haiñ

dil-e-z-kār-e-jahāñ ūftāda rakhte haiñ

tamīz-e-zishti-o-nekī meñ laakh bāteñ haiñ

ba-aks-e-ā.ina yak-fard-e-sāda rakhte haiñ

ba-rañg-e-sāya hameñ bandagī meñ hai taslīm

ki dāġh-e-dil ba-jabīn-e-kushāda rakhte haiñ

ba-zāhidāñ rag-e-gardan hai rishta-e-zunnār

sar-e-ba-pā-e-but-e-nā-nihāda rakhte haiñ

muāf-e-be-huda-goī haiñ nāsehān-e-azīz

dil-e-ba-dast-e-nigāre nadāda rakhte haiñ

ba-rañg-e-sabza azīzān-e-bad-zabāñ yak-dast

hazār teġh-e-ba-zahr-āb-dāda rakhte haiñ

adab ne sauñpī hameñ surma-sā.i-e-hairat

zabān-e-basta-o-chashm-e-kushāda rakhte haiñ

zamana saKHt kam-azar hai ba-jaan-e-asad

wagarna hum to tawaqqo ziyaada rakhte hain

tan-e-ba-band-e-hawas dar nadada rakhte hain

dil-e-z-kar-e-jahan uftada rakhte hain

tamiz-e-zishti-o-neki mein lakh baaten hain

ba-aks-e-aina yak-fard-e-sada rakhte hain

ba-rang-e-saya hamein bandagi mein hai taslim

ki dagh-e-dil ba-jabin-e-kushada rakhte hain

ba-zahidan rag-e-gardan hai rishta-e-zunnar

sar-e-ba-pa-e-but-e-na-nihada rakhte hain

muaf-e-be-huda-goi hain nasehan-e-aziz

dil-e-ba-dast-e-nigare nadada rakhte hain

ba-rang-e-sabza azizan-e-bad-zaban yak-dast

hazar tegh-e-ba-zahr-ab-dada rakhte hain

adab ne saunpi hamein surma-sai-e-hairat

zaban-e-basta-o-chashm-e-kushada rakhte hain