zamane bhar se Dar kar kya karun main

zamāne bhar se Dar kar kyā karūñ maiñ

Darūñ to apnī biivī se Darūñ maiñ

kisī din pheñk denā un ke uupar

marūñ to un ke uupar hī marūñ maiñ

kahīñ se shaam kī mil jaa.e roTī

ye bhūkā haath ab kis par dharūñ maiñ

davā khā.ūñ ki roTī yā ke halva

ye das kā note hai kyā kyā karūñ maiñ

ijāzat ho to tere ghar meñ aa kar

sahar se shaam tak paanī bharūñ maiñ

baḌe ghar kā mujhe dāmād kar de

parāThe roz phokaT meñ charūñ maiñ

chalo shā.ir to maiñ ḳhud ban gayā huuñ

koī batlā.e ke ab kyā karūñ maiñ

kabhī ro.uuñ kabhī machchhar bhagā.ūñ

vo so.e raat bhar jaagā karūñ maiñ

chhupā luuñ 'be-takalluf' maiñ bhī kaTTe

saūdī jā ke phir chanda karūñ maiñ

zamane bhar se Dar kar kya karun main

Darun to apni biwi se Darun main

kisi din phenk dena un ke upar

marun to un ke upar hi marun main

kahin se sham ki mil jae roTi

ye bhuka hath ab kis par dharun main

dawa khaun ki roTi ya ke halwa

ye das ka note hai kya kya karun main

ijazat ho to tere ghar mein aa kar

sahar se sham tak pani bharun main

baDe ghar ka mujhe damad kar de

paraThe roz phokaT mein charun main

chalo shair to main KHud ban gaya hun

koi batlae ke ab kya karun main

kabhi roun kabhi machchhar bhagaun

wo soe raat bhar jaga karun main

chhupa lun 'be-takalluf' main bhi kaTTe

saudi ja ke phir chanda karun main