zamane ko KHud se na anjaan rakh

zamāne ko ḳhud se na anjān rakh

koī munfarid apnī pahchān rakh

mahak jaa.e ḳhushbū se saarā jahāñ

sajā kar mohabbat kā gul-dān rakh

jo hai kāmyābī kī chāhat tujhe

nazar apnī manzil pe har aan rakh

tirā kyā bigāḌegā zālim jahāñ

tū himmat kī siine meñ chaTTān rakh

rag-e-jāñ hai biivī agarche tirī

tū māñ-bāp kā bhī magar dhyān rakh

dikhā.egā tujh ko ḳhudā ek din

madīne kā dil meñ tū armān rakh

phir ehsās hogā tujhe 'dard' kā

dar-e-dil pe ḳhūñ-rang darbān rakh

zamane ko KHud se na anjaan rakh

koi munfarid apni pahchan rakh

mahak jae KHushbu se sara jahan

saja kar mohabbat ka gul-dan rakh

jo hai kaamyabi ki chahat tujhe

nazar apni manzil pe har aan rakh

tera kya bigaDega zalim jahan

tu himmat ki sine mein chaTTan rakh

rag-e-jaan hai biwi agarche teri

tu man-bap ka bhi magar dhyan rakh

dikhaega tujh ko KHuda ek din

madine ka dil mein tu arman rakh

phir ehsas hoga tujhe 'dard' ka

dar-e-dil pe KHun-rang darban rakh