zamin aur aasman hone se pahle

zamīñ aur āsmāñ hone se pahle

yahāñ kyā thā jahāñ hone se pahle

yahāñ huuñ maiñ vahāñ hone se pahle

kahāñ thā maiñ yahāñ hone se pahle

tumhārī be-ruḳhī kā lutf leñge

tumhāre mehrbāñ hone se pahle

amīr-e-kārvāñ banñe kī zid hai

sharīk-e-kārvāñ hone se pahle

parindoñ par na taano us ko logo

ye Tahnī hai kamāñ hone se pahle

chhupī thī dūriyāñ nazdīkiyoñ meñ

hamāre darmiyāñ hone se pahle

namāz-e-ishq paḌhnā hai zarūrī

chale aao azaañ hone se pahle

sadā.eñ koī to sun le hamārī

hamāre be-zabāñ hone se pahle

maiñ qatra kah ke us ko chheḌtā thā

samundar ko javāñ hone se pahle

chhupe the zabt-e-ġham kī vādiyoñ meñ

mire aañsū ayaañ hone se pahle

chhupā.eñ kis tarah se raaz apne

kisī ke rāzdāñ hone se pahle

zamin aur aasman hone se pahle

yahan kya tha jahan hone se pahle

yahan hun main wahan hone se pahle

kahan tha main yahan hone se pahle

tumhaari be-ruKHi ka lutf lenge

tumhaare mehrban hone se pahle

amir-e-karwan banne ki zid hai

sharik-e-karwan hone se pahle

parindon par na tano us ko logo

ye Tahni hai kaman hone se pahle

chhupi thi duriyan nazdikiyon mein

hamare darmiyan hone se pahle

namaz-e-ishq paDhna hai zaruri

chale aao azan hone se pahle

sadaen koi to sun le hamari

hamare be-zaban hone se pahle

main qatra kah ke us ko chheDta tha

samundar ko jawan hone se pahle

chhupe the zabt-e-gham ki wadiyon mein

mere aansu ayan hone se pahle

chhupaen kis tarah se raaz apne

kisi ke raazdan hone se pahle