zamin ki aankh Khaali hai dinon baad

zamīñ kī aañkh ḳhālī hai dinoñ ba.ad

falak par ḳhushk-sālī hai dinoñ ba.ad

sajāne ḳhaak kā bistar lahū ne

alag kyā rah nikālī hai dinoñ ba.ad

kahīñ chashm-e-jabīñ phir khul na jaa.e

ki dasht-e-dil jalālī hai dinoñ ba.ad

samajh meñ vaqt kā aayā karishma

nazar ḳhud par jo Daalī hai dinoñ ba.ad

kahā us ne bil-āḳhir muskurā kar

tirī duniyā nirālī hai dinoñ ba.ad

ajab ik kashmakash sī andarūñ hai

ziyā bhī kaalī kaalī hai dinoñ ba.ad

koī majnūñ magar aatā nahīñ hai

mirā sahrā savālī hai dinoñ ba.ad

ḳhudā rakkhe tujhe ābād 'sājid'

ġhazal tū ne banā lī hai dinoñ ba.ad

zamin ki aankh KHali hai dinon baad

falak par KHushk-sali hai dinon baad

sajaane KHak ka bistar lahu ne

alag kya rah nikali hai dinon baad

kahin chashm-e-jabin phir khul na jae

ki dasht-e-dil jalali hai dinon baad

samajh mein waqt ka aaya karishma

nazar KHud par jo Dali hai dinon baad

kaha us ne bil-aKHir muskura kar

teri duniya nirali hai dinon baad

ajab ek kashmakash si andarun hai

ziya bhi kali kali hai dinon baad

koi majnun magar aata nahin hai

mera sahra sawali hai dinon baad

KHuda rakkhe tujhe aabaad 'sajid'

ghazal tu ne bana li hai dinon baad