zamin madar se apne agar nikal jae

zamīñ madār se apne agar nikal jaa.e

na jaane kaun sā manzar kidhar nikal jaa.e

ab āftāb savā-neze par utarnā hai

girift-e-shab se zarā ye sahar nikal jaa.e

samar girā ke bhī āñdhī kī ḳhū nahīñ badlī

yahī nahīñ ki jaḌoñ se shajar nikal jaa.e

ab itnī zor se har ghar pe dastakeñ denā

agar javāb na aa.e to dar nikal jaa.e

maiñ chal paḌā huuñ to manzil bhī ab milegī 'naved'

ye rāsta mujhe le kar jidhar nikal jaa.e

zamin madar se apne agar nikal jae

na jaane kaun sa manzar kidhar nikal jae

ab aaftab sawa-neze par utarna hai

girift-e-shab se zara ye sahar nikal jae

samar gira ke bhi aandhi ki KHu nahin badli

yahi nahin ki jaDon se shajar nikal jae

ab itni zor se har ghar pe dastaken dena

agar jawab na aae to dar nikal jae

main chal paDa hun to manzil bhi ab milegi 'nawed'

ye rasta mujhe le kar jidhar nikal jae