zamin pe jinko hijab-o-haya zaruri hai

zamīñ pe jin ko hijāb-o-hayā zarūrī hai

ġhazab hai un kī hijāb-o-hayā se duurī hai

unhīñ ko miltā hai dar se huzūr-e-ālī ke

laboñ pe jin ke miyāñ aaj jī huzūrī hai

shajar shajar pe chaman meñ ḳhizāñ ke Dere haiñ

na barg-o-gul na kahīñ naġhma-e-tuyūrī hai

shikam jo nān-o-namak ke liye taraste haiñ

na un kī shab hai suhānī na sub.h nuurī hai

duā.eñ māñgne vaalo futūh-o-nusrat kī

duā ke saath amal bhī bahut zarūrī hai

mire rafīq-e-safar tū chalā gayā jab se

tire baġhair mirī zindagī adhūrī hai

anokhī vaz.a hai ma.asūmiyat bhī hai 'rif.at'

batā.eñ kyā ki mizāj un kā lā-shu.ūrī hai

zamin pe jin ko hijab-o-haya zaruri hai

ghazab hai un ki hijab-o-haya se duri hai

unhin ko milta hai dar se huzur-e-ali ke

labon pe jin ke miyan aaj ji huzuri hai

shajar shajar pe chaman mein KHizan ke Dere hain

na barg-o-gul na kahin naghma-e-tuyuri hai

shikam jo nan-o-namak ke liye taraste hain

na un ki shab hai suhani na subh nuri hai

duaen mangne walo futuh-o-nusrat ki

dua ke sath amal bhi bahut zaruri hai

mere rafiq-e-safar tu chala gaya jab se

tere baghair meri zindagi adhuri hai

anokhi waza hai masumiyat bhi hai 'rifat'

bataen kya ki mizaj un ka la-shuuri hai