zamin se ugti hai ya aasman se aati hai
zamīñ se ugtī hai yā āsmāñ se aatī hai
ye be-irāda udāsī kahāñ se aatī hai
ise na.e dar-o-dīvār bhī na rok sake
vo ik sadā jo purāne makāñ se aatī hai
badan kī boss nasīm-e-libās bū-e-nafas
koī mahak ho usī ḳhāk-dāñ se aatī hai
diloñ kī barf pighaltī nahīñ hai jis ke baġhair
vo aañch ek ġham-e-be-nishāñ se aatī hai
suḳhan-varī hai nazar se nazar kā nāz-o-niyāz
aruuz se na zabān-o-bayāñ se aatī hai
zamin se ugti hai ya aasman se aati hai
ye be-irada udasi kahan se aati hai
ise nae dar-o-diwar bhi na rok sake
wo ek sada jo purane makan se aati hai
badan ki boss nasim-e-libas bu-e-nafas
koi mahak ho usi KHak-dan se aati hai
dilon ki barf pighalti nahin hai jis ke baghair
wo aanch ek gham-e-be-nishan se aati hai
suKHan-wari hai nazar se nazar ka naz-o-niyaz
aruz se na zaban-o-bayan se aati hai
- Book : Auraaq-e-Khezani (Pg. 87)
- Author : Ahmad Mushtaq
- Publication : Rekhta Foundation (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
