zamir-e-lala mai-e-lal se hua labrez

zamīr-e-lāla mai-e-lāl se huā labrez

ishāra paate hī suufī ne toḌ dī parhez

bichhā.ī hai jo kahīñ ishq ne bisāt apnī

kiyā hai us ne faqīroñ ko vāris-e-parvez

purāne haiñ ye sitāre falak bhī farsūda

jahāñ vo chāhiye mujh ko ki ho abhī nau-ḳhez

kise ḳhabar hai ki hañgāma-e-nashūr hai kyā

tirī nigāh kī gardish hai merī rustā-ḳhez

na chhīn lazzat-e-āh-e-sahar-gahī mujh se

na kar nigah se taġhāful ko iltifāt aamez

dil-e-ġhamīñ ke muāfiq nahīñ hai mausam-e-gul

sadā-e-murġh-e-chaman hai bahut nashāt añgez

hadīs-e-be-ḳhabarāñ hai tū bā zamāna ba-sāz

zamāna bā to na sāzad tū bā zamāna satez

zamir-e-lala mai-e-lal se hua labrez

ishaara pate hi sufi ne toD di parhez

bichhai hai jo kahin ishq ne bisat apni

kiya hai us ne faqiron ko waris-e-parwez

purane hain ye sitare falak bhi farsuda

jahan wo chahiye mujh ko ki ho abhi nau-KHez

kise KHabar hai ki hangama-e-nashur hai kya

teri nigah ki gardish hai meri rusta-KHez

na chhin lazzat-e-ah-e-sahar-gahi mujh se

na kar nigah se taghaful ko iltifat aamez

dil-e-ghamin ke muafiq nahin hai mausam-e-gul

sada-e-murgh-e-chaman hai bahut nashat angez

hadis-e-be-KHabaran hai tu ba zamana ba-saz

zamana ba to na sazad tu ba zamana satez