zara dekhiye qibla chilman ulaT

zarā dekhiye qibla chilman ulaT

haiñ mushtāq dar par khaḌe ThaT ke ThaT

lagā.ī jo bose kī mirzā ne raT

kahā baajī ne dut na muue duur haT

balā se kisī ko karo chit ki paT

dilā do mujhe lakhna.ū kā ticket

kahīñ shab jo dul.han se khaTpaT huī

khaTā-khaT mue ne diye toḌ paT

bajātā hai Dholak muā rāt-bhar

ye bhaḌvā koī bhāñD hai yā ki naT

kareñ gar tavā.if se saT-paT miyāñ

kachahrī meñ jā kar maiñ bolūñ rapaT

maiñ kaT-kaT ga.ī begamoñ meñ buā

vo piite hī ġhaT-ġhaT ga.e jo lipaT

taraqqī ho imsāl dūlhā kī phir

riyāsat kā gar de ijāzat budget

hai sher-e-ḳhudā kā jo āñkhoñ meñ nuur

palak maar kar sher ko de palaT

chhināloñ kī jackeT meñ pocket lageñ

yahāñ ro.eñ kurtī ko gar jaa.e phaT

ye karvaT kī aahaT balā hai buā

chhapar-khaT pe karte haiñ kāyā-palaT

saTāsaT vo maarā kareñ jaan jaa.e

mirī bhī ye zid hai na chhoḌūñgī haT

vo bhaḌvā sar-e-bazm kaT-kaT gayā

rakhā 'anqā' begam se jis ne kapaT

zara dekhiye qibla chilman ulaT

hain mushtaq dar par khaDe ThaT ke ThaT

lagai jo bose ki mirza ne raT

kaha baji ne dut na mue dur haT

bala se kisi ko karo chit ki paT

dila do mujhe lakhnau ka ticket

kahin shab jo dulhan se khaTpaT hui

khaTa-khaT mue ne diye toD paT

bajata hai Dholak mua raat-bhar

ye bhaDwa koi bhanD hai ya ki naT

karen gar tawaif se saT-paT miyan

kachahri mein ja kar main bolun rapaT

main kaT-kaT gai begamon mein bua

wo pite hi ghaT-ghaT gae jo lipaT

taraqqi ho imsal dulha ki phir

riyasat ka gar de ijazat budget

hai sher-e-KHuda ka jo aankhon mein nur

palak mar kar sher ko de palaT

chhinalon ki jackeT mein pocket lagen

yahan roen kurti ko gar jae phaT

ye karwaT ki aahaT bala hai bua

chhapar-khaT pe karte hain kaya-palaT

saTasaT wo mara karen jaan jae

meri bhi ye zid hai na chhoDungi haT

wo bhaDwa sar-e-bazm kaT-kaT gaya

rakha 'anqa' begam se jis ne kapaT