zara sa waqt kahin be-sabab guzarte hain

zarā sā vaqt kahīñ be-sabab guzārte haiñ

chalo ye shaam sar-e-jū-e-lab guzārte haiñ

tū ik charāġh-e-jahān-e-digar hai kyā jaane

ham is zamīn pe kis tarah shab guzārte haiñ

hamārā ishq hī kyā hai guzārne vaale

yahāñ to nazr meñ naam o nasab guzārte haiñ

ḳhirāj maañg rahī hai vo shāh-bānu-e-shahr

so ham bhī hadiya-e-dast-e-talab guzārte haiñ

sunā to hogā ki jañgal meñ mor nāchtā hai

ham is ḳharābe meñ fasl-e-tarab guzārte haiñ

zara sa waqt kahin be-sabab guzarte hain

chalo ye sham sar-e-ju-e-lab guzarte hain

tu ek charagh-e-jahan-e-digar hai kya jaane

hum is zamin pe kis tarah shab guzarte hain

hamara ishq hi kya hai guzarne wale

yahan to nazr mein nam o nasab guzarte hain

KHiraj mang rahi hai wo shah-banu-e-shahr

so hum bhi hadiya-e-dast-e-talab guzarte hain

suna to hoga ki jangal mein mor nachta hai

hum is KHarabe mein fasl-e-tarab guzarte hain