zara si der thi bas ek diya jalana tha
zarā sī der thī bas ik diyā jalānā thā
aur is ke ba.ad faqat āñdhiyoñ ko aanā thā
maiñ ghar ko phūñk rahā thā baḌe yaqīn ke saath
ki terī raah meñ pahlā qadam uThānā thā
vagarna kaun uThātā ye jism o jaañ ke azaab
ye zindagī to mohabbat kā ik bahāna thā
ye kaun shaḳhs mujhe kirchiyoñ meñ baañT gayā
ye aa.ina to mirā āḳhirī Thikāna thā
pahāḌ bhāñp rahā thā mire irāde ko
vo is liye bhī ki tesha mujhe uThānā thā
bahut sambhāl ke laayā huuñ ik sitāre tak
zamīn par jo mire ishq kā zamāna thā
milā to aise ki sadiyoñ kī āshnā.ī ho!
ta.āruf us se bhī hālāñki ġhā.ebāna thā
maiñ apnī ḳhaak meñ rakhtā huuñ jis ko sadiyoñ se
ye raushnī bhī kabhī merā āstāna thā
maiñ haath hāthoñ meñ us ke na de sakā thā 'shumār'
vo jis kī muTThī meñ lamha baḌā suhānā thā
zara si der thi bas ek diya jalana tha
aur is ke baad faqat aandhiyon ko aana tha
main ghar ko phunk raha tha baDe yaqin ke sath
ki teri rah mein pahla qadam uThana tha
wagarna kaun uThata ye jism o jaan ke azab
ye zindagi to mohabbat ka ek bahana tha
ye kaun shaKHs mujhe kirchiyon mein banT gaya
ye aaina to mera aaKHiri Thikana tha
pahaD bhanp raha tha mere irade ko
wo is liye bhi ki tesha mujhe uThana tha
bahut sambhaal ke laya hun ek sitare tak
zamin par jo mere ishq ka zamana tha
mila to aise ki sadiyon ki aashnai ho!
taaruf us se bhi haalanki ghaebana tha
main apni KHak mein rakhta hun jis ko sadiyon se
ye raushni bhi kabhi mera aastana tha
main hath hathon mein us ke na de saka tha 'shumar'
wo jis ki muTThi mein lamha baDa suhana tha
- Book : aap saa nahi.n ko.ii (Pg. 40)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
