zara si KHak the par aasman uTha lae

zarā sī ḳhaak the par āsmāñ uThā laa.e

badan ke saath ye āshob-e-jāñ uThā laa.e

taras rahī thiiñ ye āñkheñ kisī kī sūrat ko

so ham bhī dasht meñ āb-e-ravāñ uThā laa.e

yahāñ ke log to ḳhvāboñ se munharif haiñ bahut

ham apne aap ko āḳhir kahāñ uThā laa.e

kahānī meñ jo kināroñ pe chal rahā thā koī

ham ek roz use darmiyāñ uThā laa.e

bahut hī nafā hai is kārobār meñ ham ko

charāġh chhoḌ diyā aur dhuāñ uThā laa.e

zara si KHak the par aasman uTha lae

badan ke sath ye aashob-e-jaan uTha lae

taras rahi thin ye aankhen kisi ki surat ko

so hum bhi dasht mein aab-e-rawan uTha lae

yahan ke log to KHwabon se munharif hain bahut

hum apne aap ko aaKHir kahan uTha lae

kahani mein jo kinaron pe chal raha tha koi

hum ek roz use darmiyan uTha lae

bahut hi nafa hai is karobar mein hum ko

charagh chhoD diya aur dhuan uTha lae