ذرا ضدی ہوں جذباتی ہوں تھوڑا سرپھرا ہوں میں

ذرا ضدی ہوں جذباتی ہوں تھوڑا سرپھرا ہوں میں

مگر جیسا بھی ہوں پہچان لو بندہ کھرا ہوں میں

مرے اندر اگر ہیں خامیاں تو خوبیاں بھی ہیں

کہ تم تو مان بیٹھے ہو کہ اک دم ہی برا ہوں میں

تمہیں میں روک سکتا تھا مگر روکا نہیں میں نے

اور اس کے بعد ایسا خود کی نظروں سے گرا ہوں میں

کئی سارے سوالوں نے مجھے الجھائے رکھا ہے

چلے آؤ چلے آؤ سوالوں میں گھرا ہوں میں

میں کتنے ضبط سے بیٹھا ہوں تم کو کیا خبر جاناں

میری آنکھوں میں خشکی ہے پر اندر سے بھرا ہوں میں

تمہارا منتظر ہوں لوٹ کر آ جاؤ میرے دوست

جہاں بچھڑے تھے ہم دونوں وہیں اب بھی کھڑا ہوں میں