zardaron ki waqat kya hai kaun ye gauhar banTega
zardaron ki waqat kya hai kaun ye gauhar banTega
Saadullah Khan Asar Malkapur
MORE BYSaadullah Khan Asar Malkapur
zardāroñ kī vaq.at kyā hai kaun ye gauhar bāñTegā
hubb-e-uḳhuvvat mehr-o-mohabbat dil kā tavangar bāñTegā
maiñ ne an-dekhe par apnā sab kuchh qurbāñ kar Daalā
tū ai barahman kyā kar baiThā tū kyā patthar bāñTegā
apne muñh se apne ghar kī baat kaho nādānī hai
ek hī maañ kā jaayā ho kar kahtā hai ghar bāñTegā
jhūTh kapaT chhal be-īmānī chanda rishvat luuT khasūT
jis kī siyāsat aisī hogī kyā vo leader bāñTegā
be-mohroñ ke shahr meñ āḳhir kis se ye ummīd kareñ
is duniyā meñ kaun 'asar' ke dard barābar bāñTegā
zardaron ki waqat kya hai kaun ye gauhar banTega
hubb-e-uKHuwwat mehr-o-mohabbat dil ka tawangar banTega
main ne an-dekhe par apna sab kuchh qurban kar Dala
tu ai barahman kya kar baiTha tu kya patthar banTega
apne munh se apne ghar ki baat kaho nadani hai
ek hi man ka jaya ho kar kahta hai ghar banTega
jhuTh kapaT chhal be-imani chanda rishwat luT khasuT
jis ki siyasat aisi hogi kya wo leader banTega
be-mohron ke shahr mein aaKHir kis se ye ummid karen
is duniya mein kaun 'asar' ke dard barabar banTega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
