zarur uski nazar mujh pe hi gaDi hui hai

zarūr us kī nazar mujh pe hī gaḌī huī hai

maiñ jym se aa rahā huuñ āstīñ chaḌhī huī hai

mujhe zarā sā burā kah diyā to is se kyā

vo itnī baat pe maañ baap se laḌī huī hai

use zarūrat-e-parda zarā ziyāda hai

ye vo bhī jāntī hai jab se vo baḌī huī hai

vo merī dī huī nthunī pahan ke ghūmtī hai

tabhī vo in dinoñ kuchh aur nak-chaḌhī huī hai

muāhidoñ meñ lachak bhī zarūrī hotī hai

par is kī suuī vahīñ kī vahīñ aḌī huī hai

vo tie bāñdhtī hai aur khīñch letī hai

ye kaise vaqt use pyaar kī paḌī huī hai

ḳhudā ke vāste likhte raho ki us ne 'amīr'

har ik ġhazal tirī sau sau dafa paḌhī huī hai

zarur us ki nazar mujh pe hi gaDi hui hai

main jym se aa raha hun aastin chaDhi hui hai

mujhe zara sa bura kah diya to is se kya

wo itni baat pe man bap se laDi hui hai

use zarurat-e-parda zara ziyaada hai

ye wo bhi jaanti hai jab se wo baDi hui hai

wo meri di hui nthuni pahan ke ghumti hai

tabhi wo in dinon kuchh aur nak-chaDhi hui hai

muahidon mein lachak bhi zaruri hoti hai

par is ki sui wahin ki wahin aDi hui hai

wo tie bandhti hai aur khinch leti hai

ye kaise waqt use pyar ki paDi hui hai

KHuda ke waste likhte raho ki us ne 'amir'

har ek ghazal teri sau sau dafa paDhi hui hai