zauq pe shauq pe miT jaane ko tayyar uTha

zauq pe shauq pe miT jaane ko tayyār uThā

ishq kā dard liye phir tirā bīmār uThā

ham ne maiḳhāne meñ jaanī nahīñ karnī tafrīq

jo bhī baiThā mirī mahfil meñ gunahgār uThā

vasl-e-mahbūb uThā rakkheñge kab tak ki phir

aaj farhād hai tesha kā talabgār uThā

gum-shuda lailā ko kab tak vo chhupā rakkheñge

jab ki dīvāne ko saudā-e-ruḳh-e-yār uThā

soz-e-'mānī' kā zamāne meñ hai kis ko ehsās

aaj phir dard mire pahlū meñ bekār uThā

zauq pe shauq pe miT jaane ko tayyar uTha

ishq ka dard liye phir tera bimar uTha

hum ne maiKHane mein jaani nahin karni tafriq

jo bhi baiTha meri mahfil mein gunahgar uTha

wasl-e-mahbub uTha rakkhenge kab tak ki phir

aaj farhad hai tesha ka talabgar uTha

gum-shuda laila ko kab tak wo chhupa rakkhenge

jab ki diwane ko sauda-e-ruKH-e-yar uTha

soz-e-'mani' ka zamane mein hai kis ko ehsas

aaj phir dard mere pahlu mein bekar uTha