zawal-e-shab mein kisi ki sada nikal aae

zavāl-e-shab meñ kisī kī sadā nikal aa.e

sitāra Duube sitāra-numā nikal aa.e

ajab nahīñ ki ye dariyā nazar kā dhokā ho

ajab nahīñ ki koī rāsta nikal aa.e

ye kis ne dast-e-burīda kī fasl boī thī

tamām shahr meñ naḳhl-e-duā nikal aa.e

baḌī ghuTan hai charāġhoñ kā kyā ḳhayāl karūñ

ab is taraf koī mauj-e-havā nikal aa.e

ḳhudā kare saf-e-sardādgāñ na ho ḳhālī

jo maiñ girūñ to koī dūsrā nikal aa.e

zawal-e-shab mein kisi ki sada nikal aae

sitara Dube sitara-numa nikal aae

ajab nahin ki ye dariya nazar ka dhoka ho

ajab nahin ki koi rasta nikal aae

ye kis ne dast-e-burida ki fasl boi thi

tamam shahr mein naKHl-e-dua nikal aae

baDi ghuTan hai charaghon ka kya KHayal karun

ab is taraf koi mauj-e-hawa nikal aae

KHuda kare saf-e-sardadgan na ho KHali

jo main girun to koi dusra nikal aae